‘Un Economia Fuerte y Resiliente’

• Publicacion pa prome bes di un Maneho Economico Integral; ‘Economic Policy: A Strong and Resilient Economy 2019-2022’ cu ta inclui e Seis  Sectornan Prometedor pa diversifica economia di Aruba den Turismo,  Economia di Crecemento, Logistica, Agricultura, Economia Circular  y Industria Creativo.

• Publicacion y actualisacion di Plan Strategico Nacional ‘Nos Plan, Nos Futuro’ pa un desaroyo sostenibel teniendo cuenta cu e 17 Metanan di Desaroyo Sostenibel (SDG’s) di Nacionan Uni.

• Ampliacion di Canasta Basico cu 11 producto di prome necesidad y ta amplia cu productonan di higiena pa combati COVID19

• Introduccion di e APP ‘Control di Prijs’ pa empodera e consumidor cu informacion di prijs maximo di productonan den Canasta Basico y di productonan regula.

• Digitalisacion na Departamento Economico pa mehora servicio na cliente cu introduccion di formulario digital pa peticion of cambio di permiso y introduccion di e portal digital di inversion.

• Pa empodera nos entrepeneurs e unidadnan di IDEA y Exprodesk di Departamento di Economia a organisa varios tayer, seminario y curso pa educacion financiero/economico di nos hobenan, comerciantenan y pensionadonan. Alabes a traha riba proyectonan special pa fomenta negoshi den e sectornan prometedor pa diversifica economia di Aruba.

• Tambe a traves di e proyecto di incubator ‘Empowerment Women Exporters’ a empodera talento empresarial femenino pa exporta nan producto y/of servicio.

• Introduccion di Ley di competencia husto (‘Mededingingswetgeving’) pa evita maluso di monopolio y formacion di cartel.

• Pa brinda pueblo alivio a ‘freeze’ subida di gasolin pa luna di april, mei y juni 2019 pa un total di 37.5 cen.

• Inversion di 13.05 miyon Euro di Fondo di Desaroyo Union Europeo pa un Facultad nobo di SISSTEM na Universidad di Aruba pa contribui na economia di conocemento.

Introduccion di Alivio Fiscal 1 y 2:

1. Na april 2019 a flexibilisa e cobransa di boet pa incumplimento cu impuesto pa e periodo 2015 te cu 2018.

2. Na fin di maart 2020 a presenta e Pakete di Alivio Fiscal 1 cu 14 incentiva pa brinda comercio y pueblo alivio na momento cu COVID19 a presenta.

3. Na fin di november 2020 a presenta Pakete di Alivio Fiscal 2 cu 11 incentiva pa reactiva economia di Aruba.

4. Na comienso di januari 2021 a presenta 2 incentiva mas di Alivio Fiscal 2 pa reactiva economia di Aruba.

Alivio financiero pa negoshinan chikito y mediano pa surpasa COVID19

1. Sosten Financiero na negoshi chikito y mediano di 4.000 florin pa kwartaal.

2. Subsidio di Salario pa comercio pa tene trahadonan na trabou.

3. Subsidio di 250 mil florin na Qredits pa ofrece microcredito na un interes special.